Download this episode (6 min)   

Read for 'Latinum' by Matt Dillon, Professor and Chair of Classics and Archaeology, Loyola Marymount University, Los Angeles, CA.

Download this episode (2 min)   

Read by V.N.

http://latinum.mypodcast.com

Beatus ille qui procul negotiis,
ut prisca gens mortalium,
paterna rura bobus exercet suis
solutus omni fenore:
neque excitatur classico miles truci
neque horret iratum mare,
forumque vitat et superba civium
potentiorum limina.
Ergo aut adulta vitium propagine
altas maritat populos,
aut in reducta valle mugientium
prospectat errantes greges,
inutilesve falce ramos amputans
feliciores inserit,
aut pressa puris mella condit amphoris,
aut tondet infirmas oves,
vel cum decorum mitibus pomis caput
Autumnus agris extulit,
ut gaudet insitiva decerpens pira
certantem et uvam purpurae,
qua muneretur te, Priape, et te, pater
Silvane, tutor finium.
Libet jacere modo sub antiqua ilice,
modo in tenaci gramine:
labuntur altis interim ripis aquae,
queruntur in silvis aves,
fontesque lymphis obstrepunt manantibus,
somnos quod invitet leves.
At cum tonantis annus hibernus Jovis
imbres nivesque comparat,
aut trudit acris hinc et hinc multa cane
apros in obstantes plagas,
aut amite levi rara tendit retia
turdis edacibus dolos,
pavidumque leporem et advenam laqueo gruem
jucunda captat praemia.

Download this episode (2 min)   

Read by V.N.

http://latinum.mypodcast.com



Exegi monumentum aere perennius
regalique situ pyramidum altius,
quod non imber edax, non aquilo impotens
possit diruere aut innumerabilis
annorum series et fuga temporum.
Non omnis moriar, multaque pars mei
vitabit Libitinam: usque ego postera
crescam laude recens, dum Capitolium
scandet cum tacita virgine pontifex:
Dicar, qua violens obstrepit Aufidus
et qua pauper aquae Daunus agrestium
regnavit populorum, ex humili potens
princeps Aeolium carmen ad Italos
deduxisse modos. Sume superbiam
quaesitam meritis, et mihi Delphica
lauro cinge volens, Melpomene, comam.

Download this episode (1 min)   

Read for 'Latinum' by Matt Dillon, Professor and Chair of Classics and Archaeology, Loyola Marymount University, Los Angeles, CA.

Download this episode (57 sec)   

http://latinum.mypodcast.com
my email address: evanmillner and that is at gmail.com

Download this episode (2 min)   

read by V.N.

http://latinum.mypodcast.com



Donec gratus eram tibi,
nec quisquam potior bracchia candidae
cervici juvenis dabat,
Persarum vigui rege beatior.
Donec non alia magis
arsisti, neque erat Lydia post Chloen,
multi Lydia nominis
Romana vigui clarior Ilia.
Me nunc Thressa Chloe regit,
dulces docta modos et citharae sciens,
pro qua non metuam mori,
si parcent animae fata superstiti.
Me torret face mutua
Thurini Calais filius Ornyti,
pro quo bis patiar mori,
si parcent puero fata superstiti.
Quid si prisca redit Venus,
diductosque jugo cogit aeneo?
si flava excutitur Chloe,
rejectaeque patet janua Lydiae?
Quamquam sidere pulchrior
ille est, tu levior cortice et improbo
iracundior Hadria,
tecum vivere amem, tecum obeam libens.

Download this episode (2 min)   

Read by V.N.

http://latinum.mypodcast.com




Eheu fugaces, Postume, Postume,
labuntur anni, nec pietas moram
rugis et instanti senectae
afferet indomitaeque morti,
non si trecenis, quotquot eunt dies,
amice, places illacrimabilem
Plutona tauris, qui ter amplum
Geryonen Tityonque tristi
compescit unda, scilicet omnibus,
quicumque terrae munere vescimur,
enaviganda, sive reges
sive inopes erimus coloni.
Frustra cruento Marte carebimus
fractisque rauci fluctibus Hadriae,
frustra per autumnos nocentem
corporibus metuemus Austrum:
visendus ater flumine languido
Cocytos errans, et Danai genus
infame, damnatusque longi
Sisyphus Aeolides laboris.
Linquenda tellus et domus et placens
uxor, neque harum quas colis arborum
te praeter invisas cupressos
ulla brevem dominum sequetur.
Absumet heres Caecuba dignior
servata centum clavibus, et mero
tinguet pavimentum superbo,
pontificum potiore cenis

Download this episode (1 min)   

http://latinum.mypodcast.com
my email address: evanmillner and that is at gmail.com

read by v.n.

Persicos odi, puer, apparatus,
displicent nexae philyra coronae,
mitte sectari, rosa quo locorum
sera moretur.

Simplici myrto nihil adlabores
sedulus, curo: neque te ministrum
dedecet myrtus neque me sub arta
uite bibentem.

Download this episode (1 min)   

http://latinum.mypodcast.com
my email address: evanmillner and that is at gmail.com

Horace Odes I, XXXVIII
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Persicos odi, puer, apparatus,
displicent nexae philyra coronae,
mitte sectari, rosa quo locorum
sera moretur.

Simplici myrto nihil adlabores
sedulus, curo: neque te ministrum
dedecet myrtus neque me sub arta
uite bibentem.

Download this episode (2 min)   

Read for 'Latinum' by Matt Dillon, Professor and Chair of Classics and Archaeology, Loyola Marymount University, Los Angeles, CA.

Download this episode (2 min)   

http://latinum.mypodcast.com
my email address: evanmillner and that is at gmail.com

Horace Odes I, XXXVII
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Nunc est bibendum, nunc pede libero
pulsanda tellus, nunc Saliaribus
ornare puluinar deorum
tempus erat dapibus, sodales.

Antehac nefas depromere Caecubum
cellis auitis, dum Capitolio
regina dementis ruinas
funus et imperio parabat

contaminato cum grege turpium
morbo uirorum, quidlibet impotens
sperare fortunaque dulci
ebria. Sed minuit furorem

uix una sospes nauis ab ignibus,
mentemque lymphatam Mareotico
redegit in ueros timores
Caesar, ab Italia uolantem

remis adurgens, accipiter uelut
mollis columbas aut leporem citus
uenator in campis niualis
Haemoniae, daret ut catenis

fatale monstrum. Quae generosius
perire quaerens nec muliebriter
expauit ensem nec latentis
classe cita reparauit oras,

ausa et iacentem uisere regiam
uoltu sereno, fortis et asperas
tractare serpentes, ut atrum
corpore conbiberet uenenum,

deliberata morte ferocior:
saeuis Liburnis scilicet inuidens
priuata deduci superbo,
non humilis mulier, triumpho.

Download this episode (2 min)   

http://latinum.mypodcast.com
my email address: evanmillner and that is at gmail.com

Horace Odes I, XXXVI
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Et ture et fidibus iuuat
placare et uituli sanguini debito
custodes Numidae deos,
qui nunc Hesperia sospes ab ultima
caris multa sodalibus,
nulli plura tamen diuidit oscula
quam dulci Lamiae, memor
actae non alio rege puertiae
mutataeque simul togae.
Cressa ne careat pulchra dies nota
neu promptae modus amphorae
neu morem in Salium sit requies pedum
neu multi Damalis meri
Bassum Threicia uincat amystide
neu desint epulis rosae
neu uiuax apium neu breue lilium.
Omnes in Damalin putres
deponent oculos nec Damalis nouo
diuelletur adultero
lasciuis hederis ambitiosior.

Download this episode (3 min)   

http://latinum.mypodcast.com
my email address: evanmillner and that is at gmail.com


Horace Odes I, XXXV
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

O diua, gratum quae regis Antium,
praesens uel imo tollere de gradu
mortale corpus uel superbos
uertere funeribus triumphos,

te pauper ambit sollicita prece
ruris colonus, te dominam aequoris
quicumque Bythyna lacessit
Carpathium pelagus carina.

Te Dacus asper, te profugi Scythae,
urbesque gentesque et Latium ferox
regumque matres barbarorum et
purpurei metuunt tyranni,

iniurioso ne pede proruas
stantem columnam, neu populus frequens
ad arma cessantis, ad arma
concitet imperiumque frangat.

Te semper anteit serua Necessitas,
clauos trabalis et cuneos manu
gestans aena nec seuerus
uncus abest liquidumque plumbum;

te Spes et albo rara Fides colit
uelata panno nec comitem abnegat,
utcumque mutata potentis
ueste domos inimica linquis;

at uolgus infidum et meretrix retro
periura cedit, diffugiunt cadis
cum faece siccatis amici,
ferre iugum pariter dolosi.

Serues iturum Caesarem in ultimos
orbis Britannos et iuuenum recens
examen Eois timendum
partibus Oceanoque rubro.

Heu heu, cicatricum et sceleris pudet
fratrumque. Quid nos dura refugimus
aetas, quid intactum nefasti
liquimus? Vnde manum iuuentus

metu deorum continuit? Quibus
pepercit aris? O utinam noua
incude diffingas retusum in
Massagetas Arabasque ferrum!

Download this episode (2 min)   

http://latinum.mypodcast.com
my email address: evanmillner and that is at gmail.com


Horace Odes I, XXXIIII
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Parcus deorum cultor et infrequens,
insanientis dum sapientiae
consultus erro, nunc retrorsum
uela dare atque iterare cursus

cogor relictos: namque Diespiter
igni corusco nubila diuidens
plerumque, per purum tonantis
egit equos uolucremque currum,

quo bruta tellus et uaga flumina,
quo Styx et inuisi horrida Taenari
sedes Atlanteusque finis
concutitur. Valet ima summis

mutare et insignem attenuat deus,
obscura promens; hinc apicem rapax
Fortuna cum stridore acuto
sustulit, hic posuisse gaudet.

Download this episode (2 min)   

http://latinum.mypodcast.com
my email address: evanmillner and that is at gmail.com

Horace Odes I, XXXIII
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Albi, ne doleas plus nimio memor
inmitis Glycerae neu miserabilis
descantes elegos, cur tibi iunior
laesa praeniteat fide.

Insignem tenui fronte Lycorida
Cyri torret amor, Cyrus in asperam
declinat Pholoen: sed prius Apulis
iungentur capreae lupis

quam turpi Pholoe peccet adultero.
Sic uisum Veneri, cui placet imparis
formas atque animos sub iuga aenea
saeuo mittere cum ioco.

Ipsum me melior cum peteret Venus,
grata detinuit compede Myrtale
libertina, fretis acrior Hadriae
curuantis Calabros sinus.

Download this episode (1 min)   

http://latinum.mypodcast.com
my email address: evanmillner and that is at gmail.com

Horace Odes I, XXXII
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Poscimur. Si quid uacui sub umbra
lusimus tecum, quod et hunc in annum
uiuat et pluris, age, dic Latinum,
barbite, carmen,

Lesbio primum modulate ciui,
qui, ferox bello, tamen inter arma,
siue iactatam religarat udo
litore nauem,

Liberum et Musas Veneremque et illi
semper haerentem puerum canebat
et Lycum nigris oculis nigroque
crine decorum.

O decus Phoebi et dapibus supremi
grata testudo Iouis, o laborum
dulce lenimen, mihi cumque salue
rite uocanti.

Download this episode (2 min)   

http://latinum.mypodcast.com
my email address: evanmillner and that is at gmail.com


Horace Odes I, XXXI
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Quid dedicatum poscit Apollinem
uates? Quid orat, de patera nouum
fundens liquorem? Non opimae
Sardiniae segetes feraces,

non aestuosae grata Calabriae
armenta, non aurum aut ebur Indicum,
non rura, quae Liris quieta
mordet aqua taciturnus amnis.

Premant Calena falce quibus dedit
Fortuna uitem, diues et aureis
mercator exsiccet culillis
uina Syra reparata merce,

dis carus ipsis, quippe ter et quater
anno reuisens aequor Atlanticum
inpune: me pascust oliuae,
me cichorea leuesque maluae.

Frui paratis et ualido mihi,
Latoe, dones, at, precor, integra
cum mente, nec turpem senectam
degere nec cithara carentem.

Download this episode (1 min)   

http://latinum.mypodcast.com
my email address: evanmillner and that is at gmail.com


Horace Odes I, XXX
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

O Venus regina Cnidi Paphique,
sperne dilectam Cypron et uocantis
ture te multo Glycerae decoram
transfer in aedem.

Feruidus tecum puer et solutis
Gratiae zonis properentque Nymphae
et parum comis sine te Iuuentas
Mercuriusque.

Download this episode (1 min)   

http://latinum.mypodcast.com
my email address: evanmillner and that is at gmail.com

Horace Odes I, XXIX
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Icci, beatis nunc Arabum inuides
gazis et acrem militiam paras
non ante deuictis Sabaeae
regibus horribilique Medo

nectis catenas? Quae tibi uirginum
sponso necato barbara seruiet?
puer quis ex aula capillis
ad cyathum statuetur unctis,

doctus sagittas tendere Sericas
arcu paterno? Quis neget arduis
pronos relabi posse riuos
montibus et Tiberim reuerti,

cum tu coemptos undique nobilis
libros Panaeti Socraticam et domum
mutare loricis Hiberis,
pollicitus meliora, tendis?

Download this episode (3 min)   

http://latinum.mypodcast.com
my email address: evanmillner and that is at gmail.com


Horace Odes I, XXVIII
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Te maris et terrae numeroque carentis harenae
mensorem cohibent, Archyta,
pulueris exigui prope latum parua Matinum
munera nec quicquam tibi prodest
aerias temptasse domos animoque rotundum
percurrisse polum morituro.
Occidit et Pelopis genitor, conuiua deorum,
Tithonusque remotus in auras
et Iouis arcanis Minos admissus habentque
Tartara Panthoiden iterum Orco
demissum, quamuis clipeo Troiana refixo
tempora testatus nihil ultra
neruos atque cutem morti concesserat atrae,
iudice te non sordidus auctor
naturae uerique. Sed omnis una manet nox
et calcanda semel uia leti.
Dant alios Furiae toruo spectacula Marti,
exitio est auidum mare nautis;
mixta senum ac iuuenum densentur funera, nullum
saeua caput Proserpina fugit.
Me quoque deuexi rapidus comes Orionis
Illyricis Notus obruit undis.
At tu, nauta, uagae ne parce malignus harenae
ossibus et capiti inhumato
particulam dare: sic, quodcumque minabitur Eurus
fluctibus Hesperiis, Venusinae
plectantur siluae te sospite multaque merces,
unde potest, tibi defluat aequo
ab Ioue Neptunoque sacri custode Tarenti.
Neglegis inmeritis nocituram
postmodo te natis fraudem committere? Fors et
debita iura uicesque superbae
te maneant ipsum: precibus non linquar inultis
teque piacula nulla resoluent.
Quamquam festinas, non est mora longa; licebit
iniecto ter puluere curras.

Download this episode (2 min)   

http://latinum.mypodcast.com
my email address: evanmillner and that is at gmail.com


Horace Odes I, XXVII
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Natis in usum laetitiae scyphis
pugnare Thracum est; tollite barbarum
morem uerecundumque Bacchum
sanguineis prohibete rixis.

Vino et lucernis Medus acinaces
immane quantum discrepat; impium
lenite clamorem, sodales,
et cubito remanete presso.

Voltis seueri me quoque sumere
partem Falerni? Dicat Opuntiae
frater Megyllae quo beatus
uolnere, qua pereat sagitta.

Cessat uoluntas? Non alia bibam
mercede. Quae te cumque domat Venus
non erubescendis adurit
ignibus ingenuoque semper

amore peccas. Quicquid habes, age,
depone tutis auribus. A! miser,
quanta laborabas Charybdi,
digne puer meliore flamma.

Quae saga, quis te soluere Thessalis
magus uenenis, quis poterit deus?
uix inligatum te triformi
Pegasus expediet Chimaera.

Download this episode (1 min)   

http://latinum.mypodcast.com
my email address: evanmillner and that is at gmail.com


Horace Odes I, XXVI
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Musis amicus tristitiam et metus
tradam proteruis in mare Creticum
portare uentis, quis sub Arcto
rex gelidae metuatur orae,

quid Tiridaten terreat, unice
securus. O quae fontibus integris
gaudes, apricos necte flores,
necte meo Lamiae coronam,

Piplea dulcis. Nil sine te mei
prosunt honores; hunc fidibus nouis,
hunc Lesbio sacrare plectro
teque tuasque decet sorores.

Download this episode (2 min)   

http://latinum.mypodcast.com
my email address: evanmillner and that is at gmail.com


read by v.n.

Parcius iunctas quatiunt fenestras
iactibus crebris iuuenes proterui
nec tibi somnos adimunt amatque
ianua limen,

quae prius multum facilis mouebat
cardines. Audis minus et minus iam:
'Me tuo longas pereunte noctes,
Lydia, dormis?'

Inuicem moechos anus arrogantis
flebis in solo leuis angiportu
Thracio bacchante magis sub
interlunia uento,

cum tibi flagrans amor et libido,
quae solet matres furiare equorum,
saeuiet circa iecur ulcerosum
non sine questu,

laeta quod pubes hedera uirenti
gaudeat pulla magis atque myrto,
aridas frondes hiemis sodali
dedicet Euro.

Download this episode (2 min)   

http://latinum.mypodcast.com
my email address: evanmillner and that is at gmail.com


Horace Odes I, XXV
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Parcius iunctas quatiunt fenestras
iactibus crebris iuuenes proterui
nec tibi somnos adimunt amatque
ianua limen,

quae prius multum facilis mouebat
cardines. Audis minus et minus iam:
'Me tuo longas pereunte noctes,
Lydia, dormis?'

Inuicem moechos anus arrogantis
flebis in solo leuis angiportu
Thracio bacchante magis sub
interlunia uento,

cum tibi flagrans amor et libido,
quae solet matres furiare equorum,
saeuiet circa iecur ulcerosum
non sine questu,

laeta quod pubes hedera uirenti
gaudeat pulla magis atque myrto,
aridas frondes hiemis sodali
dedicet Euro.

Download this episode (2 min)   

http://latinum.mypodcast.com
my email address: evanmillner and that is at gmail.com


Horace Odes I XXIIII
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Quis desiderio sit pudor aut modus
tam cari capitis? Praecipe lububris
cantus, Melpomene, cui liquidam pater
uocem cum cithara dedit.

Ergo Quintilium perpetuus sopor
urget? Cui Pudor et Iustitiae soror,
incorrupta Fides, nudaque Veritas
quando ullum inueniet parem?

Multis ille bonis flebilis occidit,
nulli flebilior quam tibi, Vergili.
Tu frustra pius, heu, non ita creditum
poscis Quintilium deos.

Quid si Threicio blandius Orpheo
auditam moderere arboribus fidem?
Num uanae redeat sanguis imagini,
quam uirga semel horrida,

non lenis precibus fata recludere,
nigro compulerit Mercurius gregi?
durum: sed leuius fit patientia
quicquid corrigere est nefas.

Download this episode (1 min)   

http://latinum.mypodcast.com
my email address: evanmillner and that is at gmail.com


Horace Odes I XXIII
Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Vitas inuleo me similis, Chloe,
quaerenti pauidam montibus auiis
matrem non sine uano
aurarum et silua metu.

Nam seu mobilibus ueris inhorruit
aduentus folliis, seu uirides rubum
dimouere lacertae,
et corde et genibus tremit.

Atqui non ego te, tigris ut aspera
Gaetulusue leo, frangere persequor:
tandem desine matrem
tempestiua sequi uiro.

Download this episode (1 min)   

Read for 'Latinum' by Matt Dillon, Professor and Chair of Classics and Archaeology, Loyola Marymount University, Los Angeles, CA.

Download this episode (2 min)   

http://latinum.mypodcast.com
my email address: evanmillner and that is at gmail.com

Welcome to Latinum,the Latin Language Lesson Podcast from London

Robert Sonkowsky reads from Horace's Odes, I.22, broadcast here on Latinum with Robert's kind permission.
Integer vītae scelerisque pūrus
nōn eget Maurīs iaculīs neque arcū
nec venēnātīs gravidā sagittīs,
Fusce, pharetrā,
sīve per Syrtīs iter aestuosās
sīve factūrus per inhospitālem
Caucasum vel quae loca fābulōsus
lambit Hydaspēs.
namque mē silvā lupus in Sabīnā,
dum meam cantō Lalagēn et ultrā
terminum cūrīs vagor expedītīs,
fūgit inermem;
quāle portentum neque mīlitāris
Dauniās lātīs alit aesculētīs
nec Iubae tellūs generat, leōnum
ārida nūtrīx.
pōne mē pigrīs ubi nūlla campīs
arbor aestīvā recreātur aurā,
quod latus mundī nebulae malusque
Iuppiter urget;
pōne sub currū nimium propinquī
sōlis in terrā domibus negātā:
dulce rīdentem Lalagēn amābō,
dulce loquentem.





The man of upright life and pure from wickedness, O Fuscus
has no need of the Moorish javelins or bow, or quiver loaded
with poisoned darts. Whether he is about to make his journey
through the sultry Syrtes, or the inhospitable Caucasus, or
those places which Hydaspes, celebrated in story, washes.
For lately, as I was singing my Lalage, and wandered beyond
my usual bounds, devoid of care, a wolf in the Sabine wood
fled from me, though I was unarmed: such a monster, as
neither the warlike Apulia nourishes in its extensive woods,
nor the land of Juba, the dry nurse of the lions, produces. Place
me in those barren plains, where no tree is refreshed by the
genial air; at that part of the world, which clouds and an inclement
atmosphere infest. Place me under the chariot of the
too neighbouring sun, in a land deprived of habitations;
[there] will I love my sweetly-smiling, sweetly-speaking
Lalage.

Download this episode (2 min)   

http://latinum.mypodcast.com
my email address: evanmillner and that is at gmail.com

Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Integer uitae scelerisque purus
non eget Mauris iaculis neque arcu
nec uenenatis grauida sagittis,
Fusce, pharetra,

siue per Syrtis iter aestuosas
siue facturus per inhospitalem
Caucasum uel quae loca fabulosus
lambit Hydaspes.

Namque me silua lupus in Sabina,
dum meam canto Lalagem et ultra
terminum curis uagor expeditis,
fugit inermem,

quale portentum neque militaris
Daunias latis alit aesculetis
nec Iubae tellus generat, leonum
arida nutrix.

Pone me pigris ubi nulla campis
arbor aestiua recreatur aura,
quod latus mundi nebulae malusque
Iuppiter urget;

pone sub curru nimium propinqui
solis in terra domibus negata:
dulce ridentem Lalagen amabo,
dulce loquentem.

Download this episode (2 min)   

http://latinum.mypodcast.com
my email address: evanmillner and that is at gmail.com

Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Dianam tenerae dicite uirgines,
intonsum, pueri, dicite Cynthium
Latonamque supremo
dilectam penitus Ioui;

uos laetam fluuiis et nemorum coma,
quaecumque aut gelido prominet Algido,
nigris aut Erymanthi
siluis aut uiridis Gragi;

uos Tempe totidem tollite laudibus
natalemque, mares, Delon Apollinis
insignemque pharetra
fraternaque umerum lyra.

Hic bellum lacrimosum, hic miseram famem
pestemque a populo et principe Caesare in
Persas atque Britannos
uestra motus aget prece.

Download this episode (1 min)   

http://latinum.mypodcast.com
my email address: evanmillner and that is at gmail.com

Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Vile potabis modicis Sabinum
cantharis, Graeca quod ego ipse testa
conditum leui, datus in theatro
cum tibi plausus,

care Maecenas eques, ut paterni
fluminis ripae simul et iocosa
redderet laudes tibi Vaticani
montis imago.

Caecubum et prelo domitam Caleno
tu bibes uuam; mea nec Falernae
temperant uites neque Formiani
pocula colles.

Download this episode (2 min)   

http://latinum.mypodcast.com
my email address: evanmillner and that is at gmail.com

Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Mater saeua Cupidinum
Thebanaeque iubet me Semelae puer
et lasciua Licentia
finitis animum reddere amoribus.
Vrit me Glycerae nitor
splendentis Pario marmore purius;
urit grata proteruitas
et uoltus nimium lubricus aspici.
In me tota ruens Venus
Cyprum deseruit, nec patitur Scythas
aut uersis animosum equis
Parthum dicere nec quae nihil attinent.
Hic uiuum mihi caespitem, hic
uerbenas, pueri, ponite turaque
bimi cum patera meri:
mactata ueniet lenior hostia.

Download this episode (2 min)   

http://latinum.mypodcast.com
my email address: evanmillner and that is at gmail.com

Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Nullam, Vare, sacra uite prius seueris arborem
circa mite solum Tiburis et moenia Catili;
siccis omnia nam dura deus proposuit neque
mordaces aliter diffugiunt sollicitudines.
Quis post uina grauem militiam aut pauperiem crepat?
Quis non te potius, Bacche pater, teque decens Venus?
Ac ne quis modici transiliat munera Liberi,
Centaurea monet cum Lapithis rixa super mero
debellata, monet Sithoniis non leuis Euhius,
cum fas atque nefas exiguo fine libidinum
discernunt auidi. Non ego te, candide Bassareu,
inuitum quatiam nec uariis obsita frondibus
sub diuum rapiam. Saeua tene cum Berecyntio
cornu tympana, quae subsequitur caecus amor sui
et tollens uacuum plus nimio gloria uerticem
arcanique fides prodiga, perlucidior uitro.

Download this episode (2 min)   

http://latinum.mypodcast.com
my email address: evanmillner and that is at gmail.com

Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Velox amoenum saepe Lucretilem
mutat Lycaeo Faunus et igneam
defendit aestatem capellis
usque meis pluuiosque uentos.

Inpune tutum per nemus arbutos
quaerunt latentis et thyma deuiae
olentis uxores mariti
nec uiridis metuunt colubras

nec Martialis haediliae lupos,
utcumque dulci, Tyndari, fistula
ualles et Vsticae cubantis
leuia personuere saxa.

Di me tuentur, dis pietas mea
et Musa cordi est. Hic tibi copia
manabit ad plenum benigno
ruris honorum opulenta cornu;

hic in reducta ualle Caniculae
uitabis aestus et fide Teia
dices laborantis in uno
Penelopen uitreamque Circen;

hic innocentis pocula Lesbii
duces sub umbra nec Semeleius
cum Marte confundet Thyoneus
proelia nec metues proteruum

suspecta Cyrum, ne male dispari
incontinentis iniciat manus
et scindat haerentem coronam
crinibus inmeritamque uestem.

Download this episode (2 min)   

http://latinum.mypodcast.com
my email address: evanmillner and that is at gmail.com

Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

O matre pulchra filia pulchrior,
quem criminosis cumque uoles modum
pones iambis, siue flamma
siue mari libet Hadriano.

Non Dindymene, non adytis quatit
mentem sacerdotum incola Pythius,
non Liber aeque, non acuta
sic geminant Corybantes aera,

tristes ut irae, quas neque Noricus
deterret ensis nec mare naufragum
nec saeuus ignis nec tremendo
Iuppiter ipse ruens tumultu.

Fertur Prometheus addere principi
limo coactus particulam undique
desectam et insani leonis
uim stomacho apposuisse nostro.

Irae Thyesten exitio graui
strauere et altis urbibus ultimae
stetere causae, cur perirent
funditus inprimeretque muris

hostile aratrum exercitus insolens.
Conpesce mentem: me quoque pectoris
temptauit in dulci iuuenta
feruor et in celeres iambos

misit furentem. Nunc ego mitibus
mutare quaero tristia, dum mihi
fias recantatis amica
opprobriis animumque reddas.

Download this episode (3 min)   

http://latinum.mypodcast.com
my email address: evanmillner and that is at gmail.com

Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Pastor cum traheret per freta nauibus
Idaeis Helenen perfidus hospitam,
ingrato celeris obruit otio
uentos ut caneret fera

Nereus fata: 'Mala ducis aui domum
quam multo repetet Graecia milite,
coniurata tuas rumpere nuptias
et regnum Priami uetus.

Heu, heu, quantus equis, quantus adest uiris
sudor! Quanta moues funera Dardanae
genti! Iam galeam Pallas et aegida
currusque et rabiem parat.

Nequicquam Veneris praesidio ferox
pectes caesariem grataque feminis
inbelli cithara carmina diuides;
nequicquam thalamo grauis

hastas et calami spicula Cnosii
uitabis strepitumque et celerem sequi
Aiacem: tamen, heu serus, adulteros
crines puluere collines.

Non Laertiaden, exitium tuae
gentis, non Pylium Nestora respicis?
Vrgent inpauidi te Salaminius
Teucer, te Sthenelus sciens

pugnae, siue opus est imperitare equis,
non auriga piger; Merionen quoque
nosces. Ecce furit te reperire atrox
Tydides melior patre,

quem tu, ceruus uti uallis in altera
uisum parte lupum graminis inmemor,
sublimi fugies mollis anhelitu,
non hoc pollicitus tuae.

Iracunda diem proferet Ilio
matronisque Phrygum classis Achillei;
post certas hiemes uret Achaicus
ignis Iliacas domos.

Download this episode (2 min)   

http://latinum.mypodcast.com
my email address: evanmillner and that is at gmail.com

Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

O nauis, referent in mare te noui
fluctus. O quid agis? Fortiter occupa
portum. Nonne uides ut
nudum remigio latus,

et malus celeri saucius Africo
antemnaque gemant ac sine funibus
uix durare carinae
possint imperiosius

aequor? Non tibi sunt integra lintea,
non di, quos iterum pressa uoces malo.
Quamuis Pontica pinus,
siluae filia nobilis,

iactes et genus et nomen inutile:
nil pictis timidus nauita puppibus
fidit. Tu, nisi uentis
debes ludibrium, caue.

Nuper sollicitum quae mihi taedium,
nunc desiderium curaque non leuis,
interfusa nitentis
uites aequora Cycladas.

Download this episode (2 min)   

http://latinum.mypodcast.com
my email address: evanmillner and that is at gmail.com

Robin Bond, Associate Professor of Classics at the University of Canterbury, Christchurch, New Zealand, recorded Book One of Horace's Odes one Sunday morning, for the use of his students, and has kindly released the recording for posting here on Latinum.

Cum tu, Lydia, Telephi
ceruicem roseam, cerea Telephi
laudas bracchia, uae, meum
feruens difficili bile tumet iecur.
Tunc nec mens mihi nec color
certa sede manet, umor et in genas
furtim labitur, arguens
quam lentis penitus macerer ignibus.
Vror, seu tibi candidos
turparunt umeros inmodicae mero
rixae, siue puer furens
inpressit memorem dente labris notam.
Non, si me satis audias,
speres perpetuum dulcia barbare
laedentem oscula, quae Venus
quinta parte sui nectaris imbuit.
Felices ter et amplius
quos inrupta tenet copula nec malis
diuolsus querimoniis
suprema citius soluet amor die.