A one - time $2 contribution is politely requested. .

However, Latinum is free, you can use the entire course without making a donation. Donations of more than $2 are not refused.

"HONESTY BOX - $2"

Sunday, May 20, 2007

Mihi Est Propositum In Taberna Mori - Walter Mapes - 12th Century

Download this episode (3 min)   

MIHI est propositum in taberna mori
Vinum sit appositum morientis ori
Ut dicant cum venerint Angelorum chori
Deus sit propitius huic potatori

Poculis accenditur animi lucerna
Cor imbutum nectare volat ad superna
Mihi sapit dulcius vinum in taberna
Quam quod aqua miscuit prassulis pincerna

Suum cuique proprium dat natura munus
Ego nunquam potui scribere jejunus
Me jejunum vincere posset puer unus
Sitim et jejunium odi tanquam funus"

"Unicuique proprium dat natura donum
Ego versus faciens vinum bibo bonum
Et quod habent melius dolia cauponum
Tale vinum generat copiam sermonum

Tales versus facio quale vinum bibo
Nihil possum scribere nisi sumpto cibo
Nihil valet penitus quod jejunus scribo
Nasonem post calices carmine praeibo

Mihi nunquam spiritus prophetias datur
Nisi tune cum fuerit venter bene satur
Cum in arce cerebri Bacchus dominator
In me Phoebus irruit ac miranda fatur

posted by Evan der Millner at 8:35 PM  

Sunday, May 20, 2007

Godefridus Vincestriensis Bacche Bene Venies

Download this episode (3 min)   

Godefridus Vincestriensis
(ca. 1050 - 1107)

Bacche, bene venies gratus et optatus,
per quem noster animus fit letificatus.

Refl.
Istud vinum, bonum vinum, vinum generosum,
reddit virum curialem, probum, animosum.
2.
Bacchus forte superans pectora virorum
in amorem concitat animos eorum.
Refl.

3.
Bacchus sepe visitans mulierum genus
facit eas subditas tibi, o tu Venus.
Refl.

4.
Bacchus venas penetrans calido liquore
facit eas igneas Veneris ardore.
Refl.

5.
Bacchus lenis leniens curas et dolores
confert iocum, gaudia, risus et amores.
Refl.

6.
Bacchus mentem femine solet hic lenire
cogit eam citius viro consentire.
Refl.

7.
Bacchus illam facile solet expugnare,
a qua prorsus coitum nequit impetrare.
Refl.

8.
Bacchus numen faciens hominem iocundum,
reddit eum pariter doctum et facundum.
Refl.

9.
Bacche, deus inclite, omnes hic astantes
leti sumus munera tua prelibantes.
Refl.
10.
Omnes tibi canimus maxima preconia,
te laudantes merito tempora per omnia.

posted by Evan der Millner at 8:30 PM  

Sunday, May 20, 2007

Tarentina (G M Lyne)

Download this episode (2 min)   

Prope quondam ad fodinam Tarentinus in casa
auri fossor habitabat fodiens cum filia.

Chorus :
bella, bella, Tarentina, meum mel et corculum
in aeternum nunc amissa me fecisti miserum

illa mane compellebat anates ad aquulam.
olim lapsa ruit praeceps in paludem mediam.

Chorus :
bella, bella, Tarentina, meum mel et corculum
in aeternum nunc amissa me fecisti miserum

labra rubra super aquam flabant bullas bellulas;
eheu! nare nesciebam: Tarentina, valeas!

Chorus :
bella, bella, Tarentina, meum mel et corculum
in aeternum nunc amissa me fecisti miserum

desiderium puellae quantum cepit me meae!
sed sororem eius nuper osculatus sum - babae!

Chorus :
bella, bella, Tarentina, meum mel et corculum
in aeternum nunc amissa me fecisti miserum

posted by Evan der Millner at 8:25 PM  

Sunday, May 20, 2007

MI BONE es trans oceanum - (T.W.Melluish)

Download this episode (1 min)   

mi Bone, es trans Oceanum,
mi Bone, es supra mare.
di reddant te salvum et sanum:
reducant, mi Bone, ad me!

Chorus: ducant, te ducant,
reducant mi Bone, ad me, ad me!
ducant, te ducant,
reducant mi Bone, ad me!

2. hesterna dum nocte quiesco,
me post quam ad lectum tuli,
visos in sopore timesco
Boni quasi Manes mei.

posted by Evan der Millner at 8:20 PM  

Sunday, May 20, 2007

Barnabae Itinerarium - Pars I

Download this episode (13 min)   

Barnabae Harringtoni et nunc et dudum decantati itinerarium boream quater retroversus, pars prima.

posted by Evan der Millner at 8:40 AM